सिसडोलको फोहोर माटोले पुर्दै काठमाडौं महानगरपालिका
<p>काठमाडौं। काठमाडौं महानगरपालिकाले सिसडोलमा थुपारिएको फोहोर माटोले पुरेर व्यवस्थापन गर्ने भएको छ। </p>
<p>विगत १३ वर्षदेखि नुवाकोटको सिसडोलमा थुपारिएको फोहोर लामो समयदेखि व्यवस्थापन हुन सकेको थिएन। </p>
<p>महानगरको वातावरण व्यवस्थापन विभागका प्रमुख हरिकुमार श्रेष्ठले सिसडोलभन्दा दुई किलोमिटर टाढा बञ्चरेडाँडामा दीर्घकालीन फोहोर व्यवस्थापनस्थल निर्माणको काम भइरहेको बताएका छन्।</p>
<p>सिसडोलमा फोहोर राख्ने स्थान नहुँदा थुपारिएको फोहोरलाई माटोले पुरेर व्यवस्थापन गर्न लागिएको हो। </p>
<p>उक्त स्थानमा आउँदो दिनमा फोहोर नराख्ने र जम्मा गरिएको फोहोरले स्थानीयवासीलाई असर नपर्ने गरी व्यवस्थापन गर्न शुरु गरिएको महानगरपालिकाले जनाएको छ। </p>
<p>चार महीनाभित्रमा फोहोरको दीर्घकालीनरूपमा व्यवस्थापन गर्ने स्थान बञ्चरेडाँडामा फोहोर राख्न सकिने गरी काम भइरहेको छ।</p>
<p>दुई वर्षका लागि भन्दै १३ वर्षदेखि सिसडोलमा फोहोर थुपार्दा त्यस वरपरको वातावरण र स्थानीयवासीको दैनीक जीवनमा असर परिरहेको छ।</p>
<p><img alt="" height="444" src="https://www.dekhapadhi.com/storage/photos/shares/Feature Photo/sisdol fohor 1.JPG" width="799" /></p>
<p>सिसडोलमा काठमाडौं उपत्यकाका १८ स्थानीय तहको फोहोर विसर्जन गरिँदै आएको छ। </p>
<p>उपत्यकाबाट दैनिक करीब एक हजार मेट्रिक टन फोहोर निस्कन्छ।</p>
<p>काठमाडौं उपत्यकाबाट दैनिक उत्सर्जन हुने फोहोरमध्ये करीब ७५ प्रतिशत सिसडोलमा व्यवस्थापन गरिँदै आएको छ।</p>
<p>शहरी विकास मन्त्रालयले बञ्चरे डाँडामा दीर्घकालीन फोहोर संकलन केन्द्र निर्माणको लागि ३८ करोड रुपैयाँ बजेट छुट्याएर काम भइरहेको छ। </p>
<p><img alt="" height="459" src="https://www.dekhapadhi.com/storage/photos/shares/Feature Photo/sisdol fohor 2.JPG" width="798" /></p>
<p>मन्त्रिपरिषद्को १७ मंसीर २०७५ को बैठकले दीर्घकालीन फोहोर व्यवस्थापनस्थल निर्माणको काम शहरी विकास मन्त्रालयलाई दिने निर्णय गरेको थियो।</p>
<p>करीब १५ मिटर अग्लो बाँध र अन्य पूर्वाधारसहितको फोहोर विसर्जनस्थल निर्माण हुने मन्त्रालयले जनाएको छ।</p>
<p><em>रासस</em>को सहयोगमा</p>
प्रतिक्रिया दिनुहोस्
.jpg)
