शिक्षकलाई तलब खुवाउन महायज्ञ
<p>तम्घास। गुल्मीको मदाने गाउँपालिका–१ अग्लुङस्थित रघुफेदी प्रतिमान निमा माध्यमिक विद्यालयका शिक्षकलाई तलब खुवाउन धार्मिक महायज्ञ गरिएको छ। </p>
<p>विद्यालयमा सरकारले दरबन्दी नदिएको र पठनपाठनमा समस्या रहेकोले महायज्ञ सञ्चालन गरिएको विद्यालयका प्रध्यानाध्यापक राजु चन्द बोहराले बताए।</p>
<p>२२ कात्तिकदेखि जारी महायज्ञ २८ कात्तिकसम्म सञ्चालन हुनेछ।</p>
<p>माध्यमिक तहसम्म पढाइ हुने यस विद्यालयमा मावि तहमा हाल एक जना शिक्षकको मात्र दरबन्दी छ।</p>
<p>प्रावि र निमाविमा चार जना शिक्षक दरबन्दीमा कार्यरत् छन्।</p>
<p>नौ जना शिक्षक निजी स्रोतको तलबमा काम गरिरहेका छन्। </p>
<p>“दरबन्दीका लागि धेरैपटक मन्त्रालयमा गयौँ तर उपलब्ध भएन”, प्रध्यानाध्यापक बोहोराले भने, “मावि सञ्चालन गर्न महायज्ञ चलाउनुको विकल्प देखिएन। <em>रासस</em></p>
प्रतिक्रिया दिनुहोस्
.jpg)
