बंगलादेशका राष्ट्रपति हमिद काठमाडौंमा
<p>काठमाडौं। बंगलादेशका राष्ट्रपति मोहम्मब अब्दुल हमिद औपचारिक नेपाल भ्रमणको क्रममा काठमाडौं आइपुगेका छन्। </p>
<p>राष्ट्रपति विद्यादेवी भण्डारीले त्रिभुवन अन्तर्राष्ट्रिय विमानस्थलमा बंगलादेशी राष्ट्रपति हमिदलाई स्वागत गरेकी छन्। </p>
<p>नेपाली सेनाले राष्ट्रपति हमिदको सम्मानमा विमानस्थलमा 'गार्ड अफ अनर' प्रदान गरेको छ। </p>
<p>राष्ट्रपति विद्यादेवी भण्डारीको निमन्त्रणामा बंगलादेशका राष्ट्रपति हमिद नेपालको चार दिने भ्रमणमा आएका हुन्।</p>
<p><img alt="" height="583" src="https://www.dekhapadhi.com/storage/photos/shares/International/PradeepRajOntaRSS_IMG_9960.jpg" width="960" /></p>
<p>भ्रमणका क्रममा बंगलादेशका राष्ट्रपति हमिद र राष्ट्रपति भण्डारीबीच २७ कात्तिकमा शीतल निवासमा शिष्टाचार भेटवार्ता हुनेछ।</p>
<p>राष्ट्रपति भण्डारीले समकक्षी बंगलादेशी राष्ट्रपतिको सम्मानमा २७ कात्तिक साँझ राजकीय भोज आयोजना गर्ने कार्यक्रम छ। </p>
<p>बंगलादेशी राष्ट्रपतिले उपराष्ट्रपति नन्दबहादुर पुन, प्रधानमन्त्री केपी शर्मा ओली, राष्ट्रियसभाका अध्यक्ष गणेश तिमिल्सिना, परराष्ट्रमन्त्री प्रदीपकुमार ज्ञवालीका साथै राजनीतिक दलका नेतासँग पनि भेट गर्नेछन्। </p>
<p>२९ कात्तिकसम्मको भ्रमणका क्रममा बंगलादेशका राष्ट्रपति हमिदले भक्तपुर दरबार क्षेत्र, पोखराका साथै काठमाडौंको चन्द्रागिरीको भ्रमण गर्ने कार्यक्रम छ । </p>
प्रतिक्रिया दिनुहोस्
.jpg)
