२५ जना जुवाडे सम्पत्ति शुद्धीकरण विभागको नियन्त्रणमा
<p>काठमाडौं। जुवाको खालबाट साढे दुई करोड रूपैयाँसहित ९ कात्तिकमा पक्राउ परेका २५ जनालाई सम्पत्ति शुद्धीकरण अनुसन्धान विभागले नियन्त्रणमा लिएको छ।</p>
<p>महानगरीय प्रहरी वृत्त महाराजगञ्जमा रहेका उनीहरुलाई केहीबेरअघि नियन्त्रणमा लिइएको सम्पत्ति शुद्धीकरण अनुसन्धान विभागका महानिर्देशक रुपनारायण भट्टराईले बताए।</p>
<p>उनले <em>देखापढी</em>सँग भने, "उनीहरुबाट बरामद गरिएको अस्वाभाविक रकमको स्रोत खुलेको छैन, त्यो पैसाको वैधानीकताबारे विभागले खोजी शुरु गरेको छ।"</p>
<p>महानिर्देशक भट्टराईका अनुसार विभागको नियन्त्रणमा रहेका २५ जनालाई म्याद थपको कानूनी प्रक्रिया थालेर अनुसन्धान थालिनेछ।</p>
<p>जिल्ला प्रशासन कार्यालय, काठमाडौंले उनीहरुलाई २५ कात्तिकमा धरौटी मागेर रिहा गर्न आदेश दिएको थियो।</p>
<p>उनीहरूलाई धरौटी मागेर विभागमा पठाइदिन प्रशासनले आदेश गरेको थियो। </p>
<p><br />
</p>
प्रतिक्रिया दिनुहोस्
.jpg)
