रौतहटको सीमावर्ती प्रहरी चौकीमा बम प्रहार, एक भारतीय नागरिक पक्राउ
<p>काठमाडौं। रौतहटको ईशनाथ नगरपालिका–४ स्थित मठिया प्रहरी चौकीमा बम प्रहार भएको छ। </p>
<p>राैतहट जिल्ला प्रहरी कार्यालयले जनाए अनुसार मोटरसाइकलमा आएका दुई जना व्यक्तिले सुतली बम प्रहार गरेका हुन्। बम प्रहारबाट मठिया प्रहरी चौकीमा कार्यरत प्रहरी जवान राजेन्द्रप्रसाद यादव सामान्य घाइते भएको र एउटा खसी मरेको रौतहट प्रहरी प्रमुख प्रहरी उपरीक्षक भूपेन्द्र खत्रीले <em>देखापढी</em>लाई बताए । </p>
<p>प्रहरीले भारतीय नम्बर बी आर ०५८६५०९ को मोटरसाइकलसहित भारतीय नागरिक चन्दनकुमार (२५) लाई पक्राउ गरेको छ । जिल्ला प्रहरी कार्यालयले थप प्रहरी घटनास्थलतर्फ जाँदै गरेको बताएको छ । </p>
प्रतिक्रिया दिनुहोस्
.jpg)
