उपनिर्वाचनका कारण स्थगित भयो अन्तर्राष्ट्रिय चलचित्र महोत्सव
<p>काठमाडौं। १४ मंसीरमा हुने उपनिर्वाचनका कारण सुनसरीको धरानमा तय गरिएको अन्तर्राष्ट्रिय चलचित्र महोत्सव स्थगित भएको छ।</p>
<p>निर्वाचन आयोगले जारी गरेको आचारसंहिताका कारण महोत्सव स्थगित गर्नुपरेको मुख्यमन्त्री तथा मन्त्रिपरिषद्को कार्यालय प्रदेश–१ का मुख्यसचिव सुरेश अधिकारीले जनाएका छन्। </p>
<p>१४ मंसीरमा धरान उपमहानगरपालिकाको मेयरका लागि उपनिर्वाचन हुँदैछ। </p>
<p>उनका अनुसार महोत्सवको नयाँ मिति पछि अवगत गराइनेछ। </p>
<p>यसअघि २९ कात्तिकदेखि दुई मंसीरसम्म धरानमा अन्तर्राष्ट्रिय चलचित्र महोत्सव हुने तय भएको थियो।</p>
<p style="text-align:center"><img alt="" height="784" src="https://www.dekhapadhi.com/storage/photos/shares/Entertainment/film-festival-notice.jpg" width="720" /></p>
<p><br />
</p>
प्रतिक्रिया दिनुहोस्
.jpg)
