Others

गृहपृष्ठ

अमेरिका जान खोज्दा बन्धक काठमाडौं। दक्षिणपूर्वी अफ्रिकी राष्ट्र मालावीमा ३२ दिनदेखि बन्धक बनाइएका चार नेपालीलाई प्रहरीको मानव बेचबिखन ब्यूरोले उद्धार गरेको छ । अमेरिका जाने आसमा मानव तस्करको फन्दामा परेका उनीहरु सोमबार राति काठमाडौं आइपुगेका छन् । चारै जना एक वर्षअघि भारतीय एजेन्टको पछि लागेका थिए । एजेन्टले बोलिभिया हुँदै अमेरिका पुर्&zwj;याउने आश्वासन दिएको  थियो । शारीरिक र मानसिक यातना दिएर राखिएका उनीहरुलाई ब्यूरोले मलावी प्रहरीसँगको समन्वयमा छुटाएको हो ।  गिरोहले उनीहरुलाई भियतनाम, इथियोपिया, मदागास्कर, जोर्डन, दुबई, अजरबैजान हुँदै मलावी पुर्&zwj;याएको थियो । प्रारम्भिक बयानमा उनीहरुले गुमाएको यकिन रकम नबताए पनि प्रत्येकले १५ लाख रुपैयाँभन्दा बढी फसाएको हुन सक्ने प्रहरीले जनाएको समाचार आजको कान्तिपुर दैनिकमा छ ।