गोरखामा चोरीमा संलग्न चार जना पक्राउ
<p>गोरखा। गोरखा सदरमुकाम र आससापका क्षेत्रमा केही दिनयता भइरहेको चोरीको घटनामा संलग्न आरोपमा प्रहरीले चार जनालाई पक्राउ गरेको छ। </p>
<p>पक्राउ पर्नेमा गोरखाको बारपाक सुलिकोट गाउँपालिका-८ का २३ वर्षीय बाघे भनिने सुमन बराम, गोरखा नगरपालिका-५ का २१ वर्षीय राजकुमार नेपाली, २० वर्षीय राजकुमार मंग्राती र गोरखा नगरपालिका-१ ताप्लेका भुवन नेपाली रहेको गोरखाका प्रहरी उपरीक्षक ओम अधिकारीले बताए। </p>
<p>पक्राउ परेकाहरुले २० कात्तिकमा गोरखा नगरपालिका-६ स्थित ध्रुवकुमार भट्टको घरबाट सुनका गरगहना चोरी गरेको प्रहरीले जनाएको छ।</p>
<p>गोरखाकै हिमालय केवल नेटवर्क प्रालिमा पनि उनीहरु चोरीमा संलग्न भएको खुलेको छ। </p>
<p>प्रहरीले उनीहरुको साथबाट औंठी, रानीहार, तिलहरी, सिरबन्दीलगायतका सुन तथा चाँदीका गहना बरामद गरेको छ। <em>रासस</em> </p>
प्रतिक्रिया दिनुहोस्
.jpg)
