बोलिभियामा मोरालेस विरोधी जेनिनले आफैंलाई घोषणा गरिन् अन्तरिम राष्ट्रपति
<p>काठमाडौं। आइतबारदेखि रिक्त रहेको बोलिभियाको राष्ट्रपति पद आफूले सम्हालेको त्यहाँकी सिनेटर जेनिन एनेजले घोषणा गरेकी छन्। उनले आफैलाई अन्तरिम राष्ट्रपति घोषणा गरेकी हुन्।</p>
<p>अगस्टमा सम्पन्न निर्वाचनमा धाँधली गरेर विजय पाएको भन्दै विरोध भएपछि आइतबार निर्वाचित राष्ट्रपति इभो मोरालेसले राजीनामा दिएका थिए। </p>
<p>सिनेटर एनेजले आफैँलाई राष्ट्रपति घोषणा गरिरहँदा मोरालेसका पार्टीका सांसदहरूले भने कोरम नपुगेको भन्दै संसद् बहिस्कार गरेका थिए।</p>
<p>तर एनेजले भने संविधानतः आफू नै अन्तरिम राष्ट्रपति रहने दावी गरिन्। उनले छिटै नै नयाँ निर्वाचन गराउने प्रतिबद्धता व्यक्त गरेकी छन्।</p>
<p>"राष्ट्रपति र उपराष्ट्रपति पद रिक्त रहेकाले ‘च्याम्बर अफ् सिनेटर्स’को अध्यक्षका हैसियतले संविधानतः म नै राष्ट्रपति हुने हो", एनेजले दावी गरेकी छन्।</p>
<p>बोलिभियाको संवैधानिक अदालतले उनलाई समर्थन गरेको छ।</p>
<p>मोरालेसले भने यो घोषणालाई एनेजले ‘दक्षिणपन्थी कूलाई सघाएको’ भन्दै आलोचना गरेका छन्। </p>
<p>मेक्सिकोबाट मोरालेसले ट्वीट गरेका छन्- ‘मौन र इतिहासमै सबैभन्दा घृणित कू ।’</p>
प्रतिक्रिया दिनुहोस्
.jpg)
