डेबिड भियाले गरे सन्यासको घोषणा
<p>काठमाडाैं। स्पेनका फुटबलर डेबिड भियाले खेलाडी जीवनबाट सन्यास लिने घोषणा गरेका छन्।</p>
<p>आज ट्वीटमार्फत् उनले १९ वर्ष लामो खेलाडी जीवन टुंग्याउने घोषणा गरेका हुन्।</p>
<p>३७ वर्षीय भिया अहिले जापानको भिसेल कोबे क्लबमा आबद्ध छन् ।</p>
<p>उनले सो क्लबबाट आउँदो जनवरीमा इम्पेरर कपको उपाधि जित्ने अन्तिम लक्ष्य रहेको र त्यसपछि खेलाडी जीवनबाट अलग हुने घोषणा गरेका छन्।</p>
<p>बार्सिलोना, एट्लेटिको मड्रिड र भ्यालेन्सियका पूर्वस्ट्राइकर भिया स्पेनले सन् सन् २०१० मा फिफा विश्वकप र २००८ मा यूइएफए युरो जित्दाका महत्वपूर्ण खेलाडी थिए।</p>
<p>उनी विश्वकपमा सर्वाधिक गोल (९) गर्ने स्पेनिस खेलाडीसँगै अन्तर्राष्ट्रिय फूटबलमा स्पेनका सर्वाधिक गोलकर्ता समेत हुन् ।</p>
प्रतिक्रिया दिनुहोस्
.jpg)
