बलात्कार अभियोगमा प्रहरीका सई जेल चलान
<p>बाँके। कर्णाली प्रदेश प्रहरी तालिम केन्द्र, नेपालगञ्जमा कार्यरत प्रहरी नायब निरीक्षक (सई) बमबहादुर राना बलात्कार अभियोगमा जेल चलान भएका छन्।</p>
<p>केन्द्रमा प्रहरी जवानको तालिम गरिरहेकी एक महिला प्रशिक्षार्थीलाई बलात्कार गरेको अभियोगमा जिल्ला अदालत बाँकले रानालाई पुर्पक्षका लागि जेल पठाउने आदेश गरेको हो। </p>
<p>२४ कात्तिकमा अदालतले आदेश दिएपछि उनलाई जिल्ला कारागार चलान गरिएको बाँकेका डीएसपी शिवबहादुर सिंहले <em>देखापढी</em>लाई जानकारी दिए।</p>
<p>सई रानाले गत २६ असोज राति महिला प्रशिक्षार्थीलाई तालिमकेन्द्रस्थित ब्यारेकभित्रै बलात्कार गरेको उजुरी परेको थियो।</p>
<p>रानालाई जिल्ला प्रहरी कार्यालय बाँकेले २७ असोजमा नियन्त्रणमा लिई अनुसन्धान थालेको थियो। <br />
</p>
प्रतिक्रिया दिनुहोस्
.jpg)
