परासीमा ट्रक पल्टिँदा दुईजनाको मृत्यु
<p>परासी। पश्चिम नवलपरासीको दाउन्ने उकालोमा आज भएको ट्रक दुर्घटनामा परी दुईजनाको मृत्यु भएको छ।</p>
<p>वीरगञ्जबाट भैरहवातर्फ आउँदै गरेको ना४ख ४५०४ नम्बरको फलामको रड बोकेको ट्रक पूर्व–पश्चिम राजमार्गको बर्दघाट–४ स्थित दाउन्नेमा बिहान दुर्घटनामा परेको हो।</p>
<p>ट्रक सडकबाट करीब २५ मिटर तल खसेको थियो।</p>
<p>पल्टिएको ट्रकले च्याप्दा सोही ट्रकका धनी सुनवल नगरपालिका–१३ बस्ने २५ वर्षीय बलबहादुर सार्की र सवारी चालक सोही ठाउँ बस्ने २९ वर्षीय नरबहादुर गुरुङको मृत्यु भएकाे जिल्ला प्रहरी कार्यालयका डीएसपी वीरेन्द्र थापाले जानकारी दिए।</p>
<p>सडकबाट तल खोल्सोमा खसेको ट्रकलाई क्रेनको सहायताबाट निकालिएको थियो। <em>रासस</em></p>
प्रतिक्रिया दिनुहोस्
.jpg)
