लागूऔषधसहित भारतीय नागरिक पक्राउ
<p>काठमाडौं। लागूऔषधसहित काठमाडौंको चन्द्रागिरि नगरपालिका–२ नागढुङ्गाबाट भारत विहार घर भएका २४ वर्षीय दिलीप साहलाई प्रहरीले पक्राउ गरेको छ। </p>
<p>नियन्त्रित लागूऔषध फेनरागन ६५० एम्पुल, डाइजेपाम ६५० एम्पुल र नुर्फिन ६५० एम्पुलसहित आज पक्राउ गरिएको प्रहरी प्रधान कार्यालयले जनाएको छ।</p>
<p>वीरगञ्जबाट काठमाडौंतर्फ आउँदै गरेको बा७ख ५३७६ नम्बरको बसलाई जाँच गर्ने क्रममा झोलाभित्र लुकाई–छिपाई ल्याउँदै गरेको अबस्थामा उक्त लागूऔषध बरामद गरी साहलाई नियन्त्रणमा लिइएको हो।<br />
पक्राउ परेका साहमाथि लागूऔषधसम्बन्धी मुद्दामा अनुसन्धान भइरहेको नागढुङ्गा प्रहरीले जनाएको छ। </p>
<p>यसैबीच, काठमाडौं महानगरपालिका–७ चाबहिलस्थित ढुङ्गेधारा नजिक बाटोमा एक पुरुष मृतावस्थामा फेला परेको प्रहरीले जनाएको छ। उनको पहिचान खुलेको छैन। <em>रासस </em><br />
</p>
प्रतिक्रिया दिनुहोस्
.jpg)
