राष्ट्रपति भण्डारी र बंगलादेशी समकक्षीबीच भेटवार्ता
<p>काठमाडौं। राष्ट्रपति विद्यादेवी भण्डारी र बंगलादेशका राष्ट्रपति मोहम्मद अब्दुल हमिदबीच भेटवार्ता भएको छ।</p>
<p>चारदिने नेपाल भ्रमणमा रहेका बंगलादेशी राष्ट्रपति हमिदले आज साँझ शितल निवास पुगेर राष्ट्रपति भण्डारीसँग शिष्टाचार भेटवार्ता गरेका हुन्।</p>
<p>भेटमा दुई देशबीच रहिआएको मैत्रीपूर्ण सम्बन्ध, आपसी हित र साझा चासोका विषयमा छलफल भएको राष्ट्रपति कार्यालयका प्रवक्ता हरिप्रसाद दहालले जनाएका छन्।</p>
<p>दुई देशको आपसी सम्बन्धलाई थप मजबुत बनाउने विषयमा उनीहरूबीच विस्तृत कुराकानी भएको राष्ट्रपति कार्यालयबाट जारी गरिएको विज्ञप्तिमा उल्लेख छ।</p>
<p>भेटवार्तामा उपप्रधान तथा रक्षामन्त्री ईश्वर पोखरेल, परराष्ट्रमन्त्री प्रदीपकुमार ज्ञवाली, भौतिक पूर्वाधार तथा यातायातमन्त्री रघुविर महासेठ लगायत दुई देशका उच्चपदस्थ अधिकारीहरूको सहभागिता थियो। </p>
<p>राष्ट्रपति हमिदले आजै <em><a href="https://www.dekhapadhi.com/news/2223" target="_blank"><span style="color:#c0392b;">प्रधानमन्त्री केपी शर्मा ओली</span></a></em>, राष्ट्रियसभा अध्यक्ष गणेशप्रसाद तिमिल्सिना, नेकपा अध्यक्ष पुष्पकमल दाहाल र कांग्रेस सभापति शेरबहादुर देउवालगायतसँग भेटवार्ता गरेका थिए। </p>
<p>२६ कात्तिकमा नेपाल आएका हमिद २९ कात्तिकमा स्वदेश फर्कनेछन्। </p>
प्रतिक्रिया दिनुहोस्
.jpg)
