कञ्चनपुरकाे पुनर्वास-३ अध्यक्षमा पाँचजनाकाे उम्मेदवारी
<p>कञ्चनपुर। १४ मंसीरमा हुने उपनिर्वाचनका लागि कञ्चनपुरको पुनर्वास नगरपालिका-३ मा अध्यक्ष पदका लागि पाँचजनाले मनोनयन दर्ता गराएका छन्।</p>
<p>नेकपाका तर्फबाट कृष्णबहादुर तामाङ, नेपाली कांग्रेसबाट दीपराज तामाङ, राष्ट्रिय प्रजातन्त्र पार्टीबाट पदमबहादुर शाही, समाजवादी पार्टीबाट भीमबहादुर तामाङ र राप्रपा संयुक्तबाट धनबहादुर तामाङले मनोनयन दर्ता गराएको जिल्ला निर्वाचन कार्यालय कञ्चनपुरले जानकारी दिएको छ।</p>
<p>पाँचैजना उम्मेदवारले पुनर्वास नगरपालिकामा स्थापना गरिएको निर्वाचन अधिकृतको कार्यालयमा पुगेर उम्मेदवारी दर्ता गराएको निर्वाचन अधिकृत गोपालप्रसाद बास्तोलाले बताए।</p>
<p>निर्वाचन आयोगले उपनिर्वाचनका लागि आज बिहान १० देखि दिउँसाे १ बजेसम्मका लागि उम्मेदवारी दर्ताको समय तोकेकाे थियाे।</p>
<p>२०७४ सालको स्थानीय तहको निर्वाचनमा पुनर्वास नगरपालिका-३ मा निर्वाचित वडाध्यक्ष फैरू तामाङ जिल्ला समन्वय समिति कञ्चनपुरको प्रमुखमा नियुक्त भएपछि उक्त पद रिक्त थियो।</p>
प्रतिक्रिया दिनुहोस्
.jpg)
