डा. गोविन्द केसी अस्पताल भर्ना
<p>कैलाली। प्राध्यापक डा. गोविन्द केसी धनगढीस्थित सेती प्राविधिक अस्पतालमा भर्ना भएका छन्। </p>
<p>डडेल्धुरामा बसेको १७औं अनशन नवौं दिनमा स्थगित गरेर तराई झरेका डा. केसी उपचारका लागि धनगढीस्थित सेती प्रादेशिक अस्पताल भर्ना भएका हुन्।</p>
<p>डडेल्धुराबाट आज साँझ साढे सात बजे धनगढी पुगेका उनलाई जाँच गरेपछि चिकित्सकहरूले उपचारका लागि अस्पतालमै बस्न सुझाव दिएका छन्।</p>
<p>अस्पतालकौ शैय्याबाटै डा. केसीले राष्ट्रियतासँग जोडिएको कालापानी र लिम्पियाधुरा अतिक्रमणको मुद्दाका कारण अनशन स्थगित गरेपनि आफ्ना माग पुरा नभए पुनः अनशन बस्ने चेतावनी दिए।</p>
<p>उनले जनताको स्वास्थ्यसँग जोडिएका मुद्दालाई गम्भीरतापूर्वक लिई आफूसँग गरेका प्रतिवद्धता कार्यान्वयन गर्न सरकारसँग आग्रह गरे।</p>
<p>डा. केसीको उपचारमा संलग्न सेती प्रादेशिक अस्पतालका डा. निराजनदत्त शर्मा पौड्यालले उनलाई आरामको आवश्यकता रहेको बताए।</p>
प्रतिक्रिया दिनुहोस्
.jpg)
