स्कुटर पल्टिँदा पाेखरामा एकजनाको मृत्यु
<p>पाेखरा। पोखरा महानगरपालिका-३३, बागमारास्थित चिसापानी डाँडागाउँ सडक खण्डमा भएको सवारी दुर्घटनामा एकजनाको मृत्यु भएको छ।</p>
<p>डाँडागाउँबाट बागमारातर्फ जाँदै गरेको ग७प ५२७६ नम्बरको स्कुटर सडकको बायाँ किरानाको नालीमा पल्टिँदा सोही स्थानका ३५ वर्षीय पुरुषोत्तम पौडेलको च्यापिएर मृत्यु भएको प्रहरी प्रदेश कार्यालय गण्डकीले जनाएको छ।</p>
<p>गण्डकी प्रदेश प्रहरी कार्यालयका प्रहरी उपरीक्षक दीपक रेग्मीका अनुसार पौडेललाई स्थानीय र प्रहरीको सहयोगमा उपचारका लागि अस्पताल पुर्‍याइए पनि चिकित्सकले मृत घोषणा गरेका थिए।</p>
<p>घटना सम्बन्धमा थप अनुसन्धान भइरहेको प्रहरी जनाएको छ। <em>रासस</em></p>
प्रतिक्रिया दिनुहोस्
.jpg)
