Others

गृहपृष्ठ

बोलेरोको ठक्करबाट मोटरसाइकल चालकको मृत्यु चितवन। बोलेरोको ठक्करबाट आज बिहान चितवनमा मोटरसाइकल चालकको मृत्यु भएको छ ।  मृत्यु हुनेमा भरतपुर महानगपालिका-६ का ३० वर्षीय रोशन सापकोटा रहेको जिल्ला प्रहरी कार्यालय, चितवनले जनाएको छ ।   नारायणगढबाट मुग्लिनतर्फ जाँदै गरेको बा १० च ४४१३ नम्बरको बोलेरोले बिहान साढे दुई बजे विपरीत दिशाबाट आउँदै गरेको बा ६६ प २९६५ नम्बरको मोटरसाइकललाई ठक्कर दिएको थियो। ठक्करबाट घाइते सापकोटाको उपचारका क्रममा पुरानो मेडिकल कलेजमा मृत्यु भएको प्रहरीले जनाएको छ ।  मोटरसाइकललाई ठक्कर दिने बोलेरो र चालकलाई प्रहरीले नियन्त्रणमा लिएको छ।  दुर्घटना इच्छाकामना गाउँपालिका–६ जलवीरेमा भएको प्रहरीले जनाएको छ। रासस