इमर्जिङ टीम्स कप: नेपाल भारतसँग ७ विकेटले पराजित
<p>काठमाडौं। बंगलादेशमा आजबाट शुरु भएको एसीसी इमर्जिङ टीम्स एशिया कपको पहिलो खेलमा नेपाल पराजित भएको छ।</p>
<p>समूह बी अन्तर्गत आज भएको खेलमा नेपाल भारतसँग ७ विकेटले पराजित भएको हो।</p>
<p>टस हारेर पहिले ब्याटिङ गरेको नेपाल नेपाल ४४.५ ओभरमा १९३ रनमा अलआउट भएको थियो।</p>
<p>जवाफमा भारतले ४२ ओभर खेल्दै ३ विकेट गुमाएर लक्ष्य पूरा गर्‍यो।</p>
<p>भारतका लागि सनवीर सिंहले सर्वाधिक ५६ रन बनाए।</p>
<p>यस्तै अर्मान जफरले ५१ रन योगदान गरे।</p>
<p>ओपनर रबि सरथले ४९ रन बनाए।</p>
<p>नेपालको लागि करण केसी, ललित राजवंशी र सुशन भारीले १-१ विकेट लिए।</p>
<p>त्यसअघि पवन सर्राफले अर्धशतक प्रेरित नेपालले मध्यस्कोर बनाएको थियो।</p>
<p>छैटौं नम्बरमा ब्याटिङ गरेका पवनले सर्वाधिक ५६ रन बनाए।</p>
<p>४९ बल खेलेका उनले ७ चौका प्रहार गरे।</p>
<p>यस्तै शरद भेषावकरले ४४ रन योगदान गरे।</p>
<p>कुशल भुर्तेलले २८, दीपेन्द्रसिंह ऐरीले २४ र करण केसीले २० रन जोडे।</p>
<p>भारतका लागि सौरभ दुवेले सर्वाधिक ४ विकेट लिए।</p>
<p>यस्तै यस राथोडले ३ तथा पार्थ रेखाडेले २ विकेट लिए।</p>
<p>समूह बी कै अर्को खेलमा घरेलु टोली बंगलादेशले हङकङलाई ९ विकेटले हरायो।</p>
<p>नेपालले अब ३० कात्तिकमा हङकङसँग खेल्नेछ।</p>
प्रतिक्रिया दिनुहोस्
.jpg)
