टिकटक किन्ने दौडमा माइक्रोसफ्ट र वालमार्टलाई चुनौती, दुई कम्पनी मिलेर लगाए २० बिलियन डलरको बोली
<p style="text-align: justify;">न्यूयोर्क। चिनियाँ कम्पनी बाइटडान्सको सर्ट भिडिओ सेयरिङ एप टिकटक खरिद प्रक्रियाले नयाँ मोड लिएको छ।</p>
<p style="text-align: justify;">चिनियाँ कम्पनीको हिस्सा किन्ने दौडमा माइक्रोसफ्ट र वालमार्टबाहेक अन्य दुई कम्पनी सामेल भएपछि टिकटक खरिद प्रक्रियाले नयाँ मोड लिएको हो।</p>
<p style="text-align: justify;">थप दुई कम्पनी सामेल भएपछि टिकटकको अमेरिकी बजारको कारोबार स्वामित्व किन्न चाहने कम्पनीको संख्या चार पुगेको छ।</p>
<p style="text-align: justify;">माइक्रोसफ्ट र वालमार्ट अलावा सेन्ट्रिक्स एसेस्ट म्यानेजमेन्ट र थ्रिलर इंक पनि टिकटकको अमेरिकी स्वामित्व लिन बोली नै लगाएका छन्।</p>
<p style="text-align: justify;">ब्लुमबर्गले बताएअनुसार ती दुई कम्पनीले टिकटक किन्न २० बिलियन अमेरिकी डलरको बोली लगाएका छन्।</p>
<p style="text-align: justify;">उक्त कम्पनीहरूले अमेरिका, अष्ट्रेलिया, न्यूजील्याण्ड र भारतको बजार किन्न चाहेका हुन्।</p>
<p style="text-align: justify;">अमेरिकी सञ्चारमाध्यमहरूका अनुसार टिकटक खरिद प्रक्रिया अबको एक सातामा हुन सक्ने सम्भावना बढी छ।</p>
<p style="text-align: justify;">यद्यपि, दुई नयाँ कम्पनीले टिकटक किन्न बोली लगाए पनि माइक्रोसफ्ट यस दौडमा सबैभन्दा अगाडि रहेको बताइन्छ।</p>
<p style="text-align: justify;">१.५ ट्रिलियन अमेरिकी डलर बजार भाउ भएको माइक्रोसफ्टलाई अमेरिकी राष्ट्रपति कार्यालय ह्वाइट हाउससँग पनि राम्रै सम्बन्ध रहेको बताइएको छ।</p>
<p style="text-align: justify;">त्यसैगरी, माइक्रोसफ्टलाई अमेरिकी रिटेलर बिक्रेत कम्पनी वालमार्टले साथ दिएको छ। </p>
<p style="text-align: justify;">अमेरिकाका राष्ट्रपति डोनाल्ड ट्रम्पले पनि टिकटक किन्ने माइक्रोफ्टको योजनालाई समर्थन गरिसकेका छन्।</p>
.jpg)
