सल्यानमा जीप दुर्घटना हुँदा दुईजनाको मृत्यु
<p>सल्यान। सल्यानमा जीप दुर्घटनामा दुईजनाको मुत्यु भएको छ।</p>
<p>त्रिवेणी गाउँपालिकाको फलावाङबाट दाङको तुलसीपुरतर्फ जाँदै गरेको रा१झ ४३२ नम्बरको जीप बडाखोलामा दुर्घटना भएको हो।</p>
<p>दुर्घटनामा आठजना घाइते भएका छन्।</p>
<p>गम्भीर घाइते त्रिवेणी गाउँपालिका–४, फलावाङका ६० वर्षीया कृष्णदेवी परियार र सोही ठाउँका ५९ वर्षीया यज्ञी थापाको उपचारको क्रममा प्रादेशिक अस्पताल तुलसीपुरमा मृत्यु भएको जिल्ला प्रहरी कार्यालयले जनाएको छ।</p>
<p>घाइते हुनेमा जीप चालक फलावाङका २८ वर्षीय सन्दीप परियार, सोही ठाउँका २३ वर्षीया रीता रावत, ८ वर्षीया ज्योति रावत, २३ वर्षीया मोती रावत, ५५ वर्षीया सावित्रा खत्री, २२ वर्षीया तारा थापा, २१ वर्षीया राधा बोहरा र दाङको तुलसीपुर उपमहानगरपालिकाकी २८ वर्षीया दिला बुढा छन्।</p>
<p>घाइतेको राप्ती प्रादेशिक अस्पतालमा उपचार भइरहेको छ।<em> रासस</em></p>
प्रतिक्रिया दिनुहोस्
.jpg)
