बाेनम्याराे प्रत्याराेपणका क्रममा पत्रकार शर्माकाे निधन
<p>काठमाडाैं। नेपाल पत्रकार महासंघ सुर्खेत शाखाका सदस्य डिल शर्माको उपचारको क्रममा काठमाडौंको नयाँबानेश्वरस्थित सिभिल अस्पतालमा निधन भएको छ।</p>
<p>बोनम्यारोमा समस्या आएपछि चार महीनाअघि अस्पताल भर्ना भएका २३ वर्षीय शर्माको बोनम्यारो प्रत्यारोपणका क्रममा आज निधन भएको हो।</p>
<p>उनको निधनप्रति नेपाल पत्रकार महासंघले दुःख व्यक्त गरेको छ।</p>
<p>६ वर्षदेखि सुर्खेतमा रहेर पत्रकारिता गरिरहेका शर्मा पछिल्लो समय साझा बिसौनी दैनिक र देश सञ्चार अनलाइनमा कार्यरत थिए।</p>
<p>महासंघका महासचिव रमेश विष्टले शर्माको निधनले नेपाली पत्रकारिता क्षेत्रले एक जुझारु र ऊर्जाशील युवा पत्रकार गुमाएको बताए। <em>रासस</em></p>
प्रतिक्रिया दिनुहोस्
.jpg)
