चीनले भन्यो– 'कालापानीको विवाद नेपाल र भारतले छलफलबाट टुंग्याउन्'
<p>काठमाडौं। चीनले कालापानी क्षेत्रको विवाद नेपाल र भारतले आपसी छलफलबाट टुंग्याउनुपर्ने धारणा सार्वजनिक गरेको छ।</p>
<p>आज काठमाडौंस्थित चिनियाँ दूतावासका प्रवक्ता वाङ सिओयोलोङले पत्रकारका प्रश्नको जवाफमा कालापानीको विवाद दुवै देशले आपसी समझदारीमा टुंग्याउन् भन्ने चीनको चाहना रहेको बताए।</p>
<p>चीनले समेत नेपालको भूमि अतिक्रमण गरेको भन्ने प्रश्नमा जवाफ दिँदै उनले केही गैरजिम्मेवार व्यक्ति र मिडियाले त्यसो भनेको आफूहरूले पनि सुनेको तर, त्यो आधारहीन आरोप भएको बताए।</p>
<p>“यस्ता आरोप जनमानसको ध्यान मोड्ने उद्देश्यले आएका हुन्,” उनले भने, “चीन र नेपालले सन् १९६१ मा सन्धि गर्दै सिमाना निर्धारण गरेका छन्।”</p>
<p>गत महीना चिनियाँ राष्ट्रपतिको नेपाल भ्रमणका क्रममा दुवै देशले सीमा व्यवस्थापन प्रणालीमा हस्ताक्षर गरेको बताउँदै उनले नेपालसँग सीमा समस्या, बाहिरी हस्तक्षेपको विरोध र साझा विकासका लागि सहकार्य गर्न चीन थप इच्छुक रहेको बताए।</p>
<p> </p>
प्रतिक्रिया दिनुहोस्
.jpg)
