बि एण्ड आर यू-१९ क्रिकेट: नेपालको दोस्रो जित
<p>काठमाडौं। चीनमा भइरहेको बि एण्ड आर यू-१९ महिला क्रिकेटमा नेपालले दोस्रो जित हात पारेको छ।</p>
<p>पहिलो खेलमा थाइल्याण्डसँग पराजित भएको नेपालले त्यसपछि लगातार दोस्रो जित हात पार्ने क्रममा आज म्यानमारलाई पराजित गरेको हो।</p>
<p>सांघाईमा भइरहेको प्रतियोगितामा पहिले ब्याटिङ गरेको नेपालले २० ओभरमा ७ विकेट गुमाएर १०७ रन बनाएको थियो।</p>
<p>नेपालका लागि कविता कुँवरले सर्वाधिक २८ रन बनाइन्।</p>
<p>१०८ रनको लक्ष्य पछ्याएको म्यानमारले २० ओभर खेल्दै ८ विकेट गुमाएर ७२ रन मात्र बनाउन सक्यो।</p>
<p>नेपालका लागि बलिङमा कृतिका मरासिनीले ३ तथा इश्वरी विष्टले २ विकेट लिइन्।</p>
प्रतिक्रिया दिनुहोस्
.jpg)
