हिरासतमा रहेका चन्द समूहका नेता चन्द्रबहादुर चन्द अस्पताल भर्ना
<p>काठमाडौं। दाङ प्रहरीको हिरासतमा रहेका नेत्रविक्रम चन्द नेतृत्वको नेकपाका नेता चन्द्रबहादुर चन्द बिरामी भएपछि अस्पतालमा भर्ना गरिएको छ। </p>
<p>उनी नेत्रिविक्रम चन्दका सहोदर दाइ हुन्।</p>
<p>जिल्ला प्रहरी कार्यालय, दाङका प्रहरी नायव उपरीक्षक विनोदविक्रम शाहका अनुसार २८ कात्तिकदेखि चन्दलाई स्थानीय अस्पतालमा उपचारका लागि भर्ना गरेर राखिएको छ। </p>
<p>"अस्पतालले मुटुसम्बन्धी समस्या देखाएको छ, उपचार भइरहेको छ", डीएसपी शाहले देखापढीसँग भने। </p>
<p>चन्द्रबहादुर नेत्रविक्रम चन्द समूहको नेकपा मध्यपश्चिम कमाण्ड ईन्चार्ज थिए।</p>
<p>३० असोजमा दाङको राजपुर गाउँपालिका–४, मुङ्ग्रेठास्थित एक घरबाट हातहतियार, विस्फोटक पदार्थसहित चन्द समूहका २१ जना नेता र कार्यकर्ता पक्राउ परेका थिए। </p>
<p>उनीहरूबाट २ थान लोड गरिएका गोलीसहितका पेस्तोल, कटुवा पेस्तोल ४ र थ्रीनटथ्री राईफलको ५ राउण्ड गोली तथा १ थान सुतली बमसमेत बरामद भएको प्रहरीले जनाएको छ।</p>
<p>पढ्नुहोस्:</p>
<p><a href="https://dekhapadhi.com/news/1100" target="_blank">नेत्रविक्रम चन्दका दाइ र अन्य २० जना हतियारसहित पक्राउ (नामावली)</a></p>
प्रतिक्रिया दिनुहोस्
.jpg)
