बाजुराकाे बडिमालिकामा एक सातादेखि टेलिफोन सेवा अवरुद्ध
<p>बाजुरा। जिल्लाको बडिमालिका–५, मनामा रहेको नेपाल टेलिफोन टावरको सेवा एक सातादेखि अवरुद्ध बनेको छ।</p>
<p>नेपाल टेलिकमको टावर एक सातादेखि बिग्रिँदा टेलिफोन सेवा अवरुद्ध भएपछि सेवाग्राही मर्कामा परेका छन्।</p>
<p>यसअघि नियमित सञ्चालनमा रहेको टावर एकाएक बन्द भएपछि फोन सम्पर्कविहीन हुनु परेको स्थानीय कर्णबहादुर दानीले बताए।</p>
<p>सञ्चारविहीन भएपछि स्थानीयलाई समस्या भएको छ। </p>
<p>स्थानीयले सेवा सञ्चालनका लागि नेपाल टेलिकम शाखा बाजुरासँग माग गरेको छन्।</p>
<p>सञ्चार सुविधा नहुँदा विभिन्न घटना दुर्घटना आपत‍्विपतमा समस्या हुने गरेको भन्दै स्थानीयले बडिमालिका नगरपालिकाप्रति आक्रोश पोखेका छन्।</p>
<p>बडिमालिका नगरपालिका–५ का वडाध्यक्ष बलबहादुर थापाले समस्या समाधान गर्ने पहल भइरहेकाे जानकारी दिए।</p>
<p>यसअघि रिपिटर टावरमा स्थानीय मना गाड लघुजलविद्युत‍्बाट सिङ्गलफेजको बिजुली लाइन जडान भएकाले त्यसले लघु जलविद्युत‍्को टर्वाइनमा केही समस्या आएका कारण हटाएकाे र तत्काल टेलिकमसँग थ्रिफेज लाइन जडान गर्न अनुरोध गरिसकेकाे थापा बताउँछन्। <em>रासस</em></p>
प्रतिक्रिया दिनुहोस्
.jpg)
