अभिनेत्री शिल्पा पोखरेल साधारण तारेखमा रिहा
<p>काठमाडौं। अभिनेत्री शिल्पा पोखरेल साधारण तारेखमा रिहा भएकी छन्।</p>
<p>निर्माता छवि ओझासँगको बहुविवाह मुद्दामा जिल्ला अदालत काठमाडौंले पोखरेललाई आज साधारण तारेखमा रिहा गर्न आदेश दिएको हो। </p>
<p>उनीविरुद्ध यसअघि ओझाकी जेठी श्रीमती हेमाले काठमाडौं जिल्ला अदालतमा मुद्धार दायर गरेकी थिइन्। मुद्धापछि अदालले उनलाई पक्राउ पूर्जी जारी गरेको थियो । </p>
<p>पक्राउ पूर्जीविरुद्ध पोखरेल उच्च हुँदै सर्वोच्च अदालतसम्म पुगेकी थिइन्।</p>
<p>तर, सर्वोच्चले उनको रिट २६ कात्तिकमा खारेज गरिदिएको थियो। </p>
<p>रिट खारेजसँगै पोखरेल आज जिल्ला अदालत उपस्थित भएकी थिइन्।</p>
<p>अदालतमा आज भएको थुनछेक बहसपछि न्यायाधीश मुकेश उपाध्यायको इजलासले शिल्पालाई साधारण तारेखमा रिहा गर्ने आदेश गरेको श्रेस्तेदार आनन्द प्रसाद श्रेष्ठले <em>देखापढी</em>लाई जानकारी दिए।</p>
<p>निर्माता ओझा र जाहेरीकर्ता हेमाकुमारीबीच यसअघिनै अंशबन्डा भएकाले प्रारम्भिक आधार र प्रमाणका आधारमा शिल्पा दोषी हुन नसक्ने जिल्ला अदालतले ठहर गरेको हो। <br />
</p>
प्रतिक्रिया दिनुहोस्
.jpg)
