कवियत्री जोशिका कँडेल सम्मानित
<p>काठमाडाैं। अश्वीकृत विचार साहित्यका प्रमुख प्रवर्तक, सांस्कृतिक अभियन्ता डा. कविताराम श्रेष्ठको दोस्रो वार्षिक स्मृति दिवसका अवसरमा वरिष्ठ कवियत्री जोशिका कँडेललाई सम्मान गरिएको छ।</p>
<p>कार्यक्रममा नेकपाका नेता एवं पूर्वमन्त्री दीनानाथ शर्माले नेपाली भाषा, साहित्यको विकासका लागि साहित्यकारले जीवनभर संघर्ष गर्नुपर्ने बताए।</p>
<p>नेपाली भाषा क्षेत्रको स्तर वृद्धि हुन नसकेका कारण नै विदेशी भाषा, संस्कृतिको प्रभाव समाजमा बढ्दै गएको उनकाे भनाइ छ।</p>
<p>राष्ट्रियसभाका सदस्यसमेत रहेका शर्माले डा. कवितारामले नेपाली भाषाको विकासका लागि गरेकाे संघर्षबाट साहित्यकारले प्रेरणा लिएर अथक परिश्रम गर्नुपर्ने बताए। </p>
<p>छन्द गुरू रामप्रसाद ज्ञवालीले नेपाली साहित्यकार छन्दमा कमजोर भएको कारण नयाँ कविले रचेका कविताहरू पाठकको रोजाइमा नपर्ने गरेको बताए।</p>
<p>बाल साहित्य समाजका अध्यक्ष प्रकाश नेपालले साहित्यले समाजमा कुरीति तथा कुसंस्कारबाट परिवर्तन गरी नयाँ र समतामूलक समाज निर्माणमा सहयोग मिल्ने बताए। <em>रासस</em></p>
प्रतिक्रिया दिनुहोस्
.jpg)
