Others

गृहपृष्ठ

प्रहरीलाई रौतहट जिल्ला अदालतको महत्त्वपूर्ण आदेश– ‘पीडित र साक्षीको बासस्थानको सुरक्षा गर्नु’ काठमाडौं। रौतहटमा भएको सामूहिक हत्याकाण्डको अभियोग लागेका रौतहट–२ का सांसद मोहम्मद अफताव आलमको २१ कात्तिकदेखि जारी थुनछेक बहस सकिएपछि आज रौतहट जिल्ला अदालतले उनलाई पुर्पक्षका लागि थुनामा पठाउन आदेश दिएको छ। अभियुक्तलाई थुनामा पठाउने आदेशसँगै न्यायाधीश दीपक ढकालले साक्षीहरूको सुरक्षा व्यवस्था मिलाउन नेपाल प्रहरीलाई निर्देशन दिने महत्त्वपूर्ण आदेश पनि गरेका छन्। न्यायाधीश ढकालले १० पृष्ठ लामो थुनछेक आदेशको अन्तिम पृष्ठको छुट्टै खण्डमा ‘साक्षी संरक्षणात्मक आदेश’भन्दै लेखेका छन्–“जाहेरवाला पीडित र साक्षीहरूलाई सुरक्षितरूपमा अदालतमा ल्याउने वा अदालतबाट बसोबास रहेको स्थानसम्म पुर्&zwj;याउने प्रबन्ध मिलाउनु।” कसूरको गम्भीरतालाई विचार गर्दा पीडित र साक्षीहरूलाई सुरक्षाको प्रत्याभूति दिनुपर्ने आवश्यकता देखिएको आदेशमा उल्लेख छ। न्यायाधीश ढकालले ‘जाहेरवाला पीडित र साक्षीहरूको सुरक्षाको प्रत्याभूति गर्नुपर्ने जिम्मेवारी र दायित्व नेपाल सरकारको हो’ भनेका छन्। मुलुकी फौजदारी कार्यविधि संहिता र मुलुकी फौजदारी कार्यविधि नियमावलीबमोजिम अदालतले प्रहरी प्रधान कार्यालय र जिल्ला प्रहरी कार्यालय रौतहटको नाममा जाहेरवाला पीडित र साक्षीहरूलाई संरक्षणगृह वा त्यस्तै प्रकारका संस्थामा सुरक्षितरूपमा बसोबास गर्ने व्यवस्था मिलाउनआदेश दिएको हो। जाहेरवाला पीडित वा साक्षीको व्यक्तिगत बासस्थानको सुरक्षा गर्न र उनीहरूको सुरक्षामा खलल पुर्&zwj;याउने व्यक्तिलाई आवश्यक कानुनी कारवाही गर्न पनि आदेशमा भनिएको छ। जाहेरवालाका तर्फबाट बहस गरेका कानून व्यवसायीहरूले पीडित र साक्षीहरूको सुरक्षामा खतरा रहेको दावी गर्दै सुरक्षा प्रवन्धका लागिअदालतको आदेश माग गरेका थिए। त्यसैगरी जाहेरवालामध्येका एक गौरीशंकर रामचमारले आलमका मानिसहरूले डर, धाक–धम्की दिने, अनुचित प्रभावमा पार्न सक्ने तथा जुनसुकै समयमा अपहरण गरी आफ्नाविरुद्ध प्रमाण लाग्ने कागजमा सही गराउन सक्ने भन्दै सुरक्षा मागेर २८ कात्तिकमा अदालतमा निवेदन दिएका थिए। <img alt="" height="1286" src="https://www.dekhapadhi.com/storage/photos/shares/Crime/Alam_ThunChhek_Aadesh/alam_10.jpg" width="840" />