विमल, अञ्जनसहित राष्ट्रिय फुटबल टोलीका चार खेलाडी बर्खास्त
<p>काठमाडाैं। नेपाली राष्ट्रिय फुटबल टोलीका चारजना खेलाडी बर्खास्त भएका छन् ।</p>
<p>अखिल नेपाल फूटबल संघ (एन्फा) ले उनीहरुको आचरणलाई आधार बनाएर बर्खास्त गरेको हो ।</p>
<p>बर्खास्त हुनेमा स्ट्राइकर विमल घर्तीमगर, मिडफल्डर अन्जन विष्ट र सन्तोष तामाङ तथा डिफेन्डर दीनेश राजवंशी छन् ।</p>
<p>सन् २०२२ को विश्वकप छनोटका लागि कुवेतविरुद्ध खेल्न आज भुटान उड्ने क्रममा रहेका उनीहरूलाई अन्तिम घडीमा बर्खास्त गरिएको हो ।</p>
<p>“भुटान उड्ने अघिल्लो दिन उनीहरु मध्यरातसम्म विभिन्न नाइट क्लबमा भेटिएकाले बर्खास्त गरिएको हो”, एन्फाका एक पदाधिकारीले भने, “प्रशिक्षक योहान कालीनसँगको छलफलपछि उनीहरुलाई टिमबाट बर्खास्त गरिएको हो ।”</p>
<p>उनीहरूकाे स्थानमा वैकल्पिक खेलाडीहरूलाई भुटान पठाइने उनले बताए।</p>
<p>यसैबीच भुटान जाने नेपाली फुटबल टाेलीलाई बिदाइ गरिएकाे छ।</p>
<p style="text-align:center"><img alt="" height="630" src="https://www.dekhapadhi.com/storage/photos/shares/Sports/Nepali_toli_bhutan.jpg" width="840" /></p>
<p> </p>
प्रतिक्रिया दिनुहोस्
.jpg)
