अर्घाखाँचीको भैरव नृत्य काठमाडौंमा
<p>काठमाडौं। अर्घाखाँचीका नेवार बस्तीमा प्रचलित भैरव नृत्य काठमाडौंमा आज प्रदर्शन हुँदैछ।</p>
<p>नेवार सम्पर्क समिति अर्घाखाँची–काठमाडौंको आयोजना तथा नेवाः समाज अर्घाखाँची–रुपन्देहीको प्रस्तुतिमा भैरव नृत्य हुन लागेको अध्यक्ष नारायणप्रसाद श्रेष्ठले जानकारी दिए।</p>
<p>भैरव नृत्य प्रदर्शनका लागि अर्घाखाँचीबाट ५० जनाको टोली काठमाडौं आइपुगेको समितिका मित्र श्रेष्ठले बताए।</p>
<p>दिउँसो चार बजे कमलादीस्थित प्रज्ञा प्रतिष्ठानमा हुने नृत्य चार घण्टासम्म हुनेछ। </p>
<p>भैरव नृत्यसँगै ताकुन्डोली र मयुर नृत्य पनि प्रदर्शन गरिने श्रेष्ठले बताए।</p>
<p>"अर्घाखाँचीमा प्रचलित भैरव नृत्य काठमाडौंसम्म ल्याएर यहाँ र त्यहाँको नेवारबीच संस्कृति आदानप्रदान गर्न खोजेका हौं," श्रेष्ठले भने।</p>
प्रतिक्रिया दिनुहोस्
.jpg)
