चितवनमा मोटरसाइकल एकापसमा ठाेक्किंदा एकको मृत्यु, दुई घाइते
<p>चितवन। भरतपुर महानगरपालिका–२९, सत्रकिलोमा दुई मोटरसाइकल एकापसमा ठाक्किंदा एकजनाको मृत्यु भएको छ। दुई घाइते भएका छन्।</p>
<p>जिल्ला प्रहरी कार्यालय चितवनका अनुसार मृत्यु हुनेमा पर्सा जिल्ला जितपुर बस्ने ३२ वर्षीय बैजनाथ चौधरी रहेका छन्।</p>
<p>चौधरीको उपचारका क्रममा पुरानो मेडिकल कलेजमा मृत्यु भएको हो।</p>
<p>मुग्लिनबाट नारायणगढतर्फ आउँदै गरेको ग१७प ४५६४ नम्बरको मोटरसाइकल र विपरीत दिशातर्फ जाँदै गरेको बा५३प १६५० नम्बरको मोटरसाइकल एकापसमा ठाेक्किएकाे हाे।</p>
<p>मृत्यु हुने चाैधरी बा५३प १६५० नम्बरका मोटरसाइकल चालक हुन्। </p>
<p>ग१७प ४५६४ नम्बरका मोटरसाइकल चालक कास्की पोखरा महानगरपालिका–१५ बस्ने २१ वर्षीय सन्तोष ठकुरी र पछाडि सवार २० वर्षीय रमेश विक घाइते भएको प्रहरी नायव उपरीक्षक एकनारायण कोइरालाले जानकारी दिए।</p>
<p>घाइते दुवैको पुरानो मेडिकल कलेजमा उपचार भइरहेको छ। <em>रासस</em></p>
प्रतिक्रिया दिनुहोस्
.jpg)
