इमर्जिङ टीम्स एशिया कप: नेपालद्वारा हङकङ ४० रनले पराजित
<p>काठमाडौं। एसीसी इमर्जिङ टिम्स एशिया कप अन्तर्गत् हङकङविरुद्धको खेलमा नेपालले ४०रनको जित हात पारेको छ। </p>
<p>बंगलादेशमा जारी प्रतियोगिताअन्तर्गत् आफ्नो दोस्रो खेलमा नेपालले दिएको २१८ रनको लक्ष्य पछ्याएको हङकङ ४६ औं ओमरमा सबै विकेट गुमाएर १७७ रनमा समेटिन पुग्यो। </p>
<p>नेपालका तर्फबाट करण केसी र अविनाश बोहराले तीन/तीन तथा सुसन भारीले दुई विकेट लिए।</p>
<p>यसअघि टस हारेर पहिले व्याटिङ गरेको नेपालले ५० ओभरमा सबै विकेट गुमाएर २१७ रनको योगफल बनाएको तयार पारेको थियो।</p>
<p>नेपालका लागि शरद भेषावकरले ८९ रन बनाए।</p>
<p>आसिफ शेखले ४२ र दीपेन्द्रसिंह ऐरीले ३७ रनको योगदान दिए।</p>
<p>ओपनरद्वय कप्तान ज्ञानेन्द्र मल्ल शून्य र कूशल भुर्तेल एक रनमा आउट भएपछि शरद, आसिफ र दीपेन्द्रले नेपाललाई प्रतिस्पर्धापूर्ण योगफलतर्फ डो‍र्‍याएका थिए।</p>
<p>प्रतियोगिताको पहिलो खेलमा नेपालले भारतसँग पराजय व्यहोरेको थियो। </p>
<p>नेपालले अर्को खेल २ मंसीरमा बंगलादेशसँग खेल्नेछ।</p>
प्रतिक्रिया दिनुहोस्
.jpg)
