Others

गृहपृष्ठ

पाैने चार किलाे पाँचऔंलेसहित काेहलपुरमा तीनजना पक्राउ बाँके। कोहलपुरमा आज तीन किलो ७३० ग्राम पाँचऔंले जडीबुटीसहित तीनजना पक्राउ परेका छन्। पक्राउ पर्नेमा पचाल झरना गाउँपालिका–५, का ४६ वर्षीय अग्रम बम, जुम्ला हिमा गाउँपालिका–६ का ३६ वर्षीय यमराज अधिकारी र कोहलपुर नगरपालिका–११ का ५४ वर्षीय वीरबहादुर शाही रहेको कोहलपुर प्रहरीले जनाएको छ। प्रदेश ५ प्रहरी कार्यालय अनुसन्धान व्युरो दाङ र कोहलपुर प्रहरीको संयुक्त टोलीले उनीहरूलाई पक्राउ गरेको हो। कोहलपुर–११, लोकनगरनजिक पैदल हिँडिरहेका उनीहरूमध्ये अग्र बमले बोकेकाे झोलाभित्र प्लाष्टिकको थैलोमा जडीबुटी फेला परेको प्रहरीले जनाएको छ। उनीहरूलाई आवश्यक कारबाहीका लागि भोलि, १ मंसीरमा जिल्ला वन कार्यालयमा बुझाइने इलाका प्रहरी कार्यालय कोहलपुरका प्रहरी निरीक्षक हस्तबहादुर सुनारले जानकारी दिए। <img alt="" height="398" src="https://www.dekhapadhi.com/storage/photos/shares/Crime/panch_aule (2).jpg" width="840" />