निर्वाचन आचारसंहिताको उल्लंघन भएको छः देउवा
<p>कैलाली। नेपाली कांग्रेसका सभापति शेरबहादुर देउवाले आगामी १४ मंसीरमा हुन लागेको उपनिर्वाचनको आचारसंहिता उल्लंघन भइरहेकाले निर्वाचन आयोग गम्भीर बन्नुपर्ने बताएका छन्।</p>
<p>नेपाल महिला संघ कैलालीले आज आयोजना गरेको प्रशिक्षण कार्यक्रममा सभापति देउवाले उपनिर्वाचनको आचारसंहिता लागू भइसकेको अवस्थामा अचारसंहिताको अक्षरशः पालना हुनुपर्नेमा जोड दिए। </p>
<p>वर्तमान सरकार जनभावनाविपरीत गएको आरोप लगाउँदै उनले यसको विरुद्धमा सशक्त भएर काम गर्नुपर्ने बेला आएको उल्लेख गरे। </p>
<p>भारतसंँग सरकारले सीमा विवादका बारेमा वार्ता गरेर समाधान खोज्नुपर्ने सभापति देउवाको भनाइ थियो।</p>
<p>भारतले अहिले जारी गरेको नक्शा गलत भएकाले सरकारले कूटनीतिक माध्यमबाट तत्काल सच्चाउन पहल गर्नुपर्ने बताए।</p>
<p>“महाकाली नदीलाई दुई देशको सिमाना र महाकाली नदीको पानी आधाआधा बाँड्ने महाकाली सन्धिमा उल्लेख छ। भारतले त्यही सन्धिअनुसार कार्यान्वयन गर्नुपर्छ,” उनले भने। <em>रासस</em><br />
</p>
<p> </p>
प्रतिक्रिया दिनुहोस्
.jpg)
