साउदी अरबले नयाँ वर्षदेखि अन्तर्राष्ट्रिय यात्रा प्रतिबन्ध हटाउने
<p>रियाद। साउदी अरबले कोभिड-१९ महामार्ीका कारण लगाइएको अन्तर्राष्ट्रिय यात्रा प्रतिबन्ध आगामी जनवरी १ देखि पूर्णरूपमा फुकुवा गर्ने भएको छ।</p>
<p>साउदीको गृह मन्त्रालयले विश्वभर कोरोना संक्रमित फैलिन सुरू भएपछि लगाइएको यात्रा प्रतिबन्ध अंग्रेजी नयाँ वर्षदेखि हटाउने तयारी गरेको हो।</p>
<p>अन्तर्राष्ट्रिय हवाई यात्रा प्रतिबन्ध पूर्णरूपमा फुकुवा गरेपछि स्थल र समुद्रीमार्गबाट आउनेहरूलाई समेत अनुमति दिइने छ।</p>
<p>प्रतिबन्ध हटाउनुअघि त्यहाँको स्वास्थ्य मन्त्रालयले यात्री र ट्रान्सपोर्ट व्यवसायीको लागि सुरक्षा नियम तय गर्ने छ। साथै, एयरपोर्ट, बन्दरगाह र रेल स्टेशनमा नयाँ नियमत लागू गरिने छ।</p>
<p>अरब न्यूजका अनुसार साउदीमा ९३ प्रतिशत कोरोना संक्रमित उपचारपछि निको भइसकेका छन्।</p>
<p>यस्तै, बीबीसीका अनुसार साउदीले सेप्टेम्बर १५ (भोलि) देखि अन्तर्राष्ट्रिय उडानमा लगाइएको यात्रा प्रतिबन्ध आंशिक रूपमा खुकुलो गर्ने छ। र, सीमित संख्याका यात्रुलाई साउदी आउने अनुमति दिइने छ।</p>
प्रतिक्रिया दिनुहोस्
.jpg)
