Others

गृहपृष्ठ

स्कुटर दुर्घटनामा किशोरीको मृत्यु बनेपा। काभ्रेपलाञ्चोकको रोशी गाउँपालिका–११ डालाबेँसी, बिपी राजमार्गमा स्कुटर दुर्घटनामा परी एक किशोरीको मृत्यु भएको छ।  बा ९८ प ७५८२ नम्बरको स्कुटर दुर्घटना हुँदा स्कुटरको पछाडि सवार कञ्चनपुर भीमदत्त नगरपालिका–६ घर भई पुरानो बानेश्वर काठमाडौं डेरा गरी बस्ने १९ वर्षिया अनुपमाकुमारी राउतको मृत्यु भएको प्रहरीले बताएको छ। दुर्घटनामाा घाइते भएकी राउतको नर्भिक अस्पताल काठमाडौंमा उपचारको क्रममा आज बिहान ३ बजे मृत्यु भएको हो। स्कुटर चालक रामेछाप मन्थली नगरपालिका-९ का २२ वर्षीय गोपाल बोहरालाई सामान्य चोट लागेको छ।  काठमाडौंबाट सिन्धुली जाँदै गरेको सो स्कुटर सडकमा रहेको खाल्डो छल्ने क्रममा अनियन्त्रित भइ ३० कात्तिकमा दुर्घटना भएको जिल्ला प्रहरी कार्यालय, काभ्रेपलाञ्चोकका प्रहरी नायब उपरीक्षक दीपक गिरीले बताए। रासस