अमेरिकामा गोलीकाण्ड, पाँचजनाको मृत्यु
<p>अमेरिका। अमेरिकाको दक्षिण भागमा पर्ने क्यालिफोर्निया राज्यमा हिजाे बिहान भएको गोलीकाण्डमा परी पाँचजनाको मृत्यु भएको छ।</p>
<p>मृत्यु भएका मध्ये तीनजना बालबालिकासमेत रहेकाे स्थानीय स्रोतले जानकारी दिएको छ।</p>
<p>हत्या गर्ने व्यक्तिको पनि मृत्यु भएको विश्वास गरिएको सो स्रोतले जनाएको छ।</p>
<p>स्थानीय एक पत्रिकाले प्याराडाइज हिलमा उक्त घटना भएको लेखेको छ।</p>
<p>उत्तरी अमेरिका र मेक्सिकोको सीमा क्षेत्रदेखि ३५ किलोमिटर टाढा रहेको ठाउँमा घटना भएको जनाइएको छ।</p>
<p>स्थानीय समयानुसार बिहान ६ः४९ मा घटनाका बारेमा प्रहरीलाई पहिलो फोन आएको प्रहरी स्रोतले जनाएको छ।</p>
<p>मृत्यु भएकामध्ये तीन वर्षीय बालक, २९ वर्षीया महिला र ३१ वर्षीय एक पुरुषको घटनास्थलमै मृत्यु भएको थियो।</p>
<p>अर्का पाँच वर्षीय र ९ वर्षीय दुई बालकको अस्पतालमा उपचारका क्रममा निधन भएको प्रहरीले जनाएको छ।</p>
<p>गोली लागी घाइते भएका अर्का ११ वर्षीय एक बालकको भने अहिले अस्पतालमा उपचार भइरहेको जनाइएको छ।</p>
<p>घटनास्थलमा प्रहरीले एउटा बन्दुक भेटिएको बताएको छ।</p>
<p>घटना किन र के कारणले भयो भन्ने बारेमा केही थाहा पाउन नसकिएको प्रहरीको भनाइ छ।</p>
<p>प्रहरी अधिकारीहरूले घटनाका बारेमा अनुसन्धान सुरु गरिसकिएको जनाएका छन्। <em>रासस/सिन्ह्वा</em></p>
प्रतिक्रिया दिनुहोस्
.jpg)
