मोटरसाइकलको लुकिङ ग्लास परिवर्तन गरे कारवाही
<p>काठमाडाैं। महानगरीय ट्राफिक प्रहरी महाशाखाले मोटरसाइकलको लुकिङ ग्लास तोडमोड गर्ने या परिवर्तन गरेर राख्ने चालकलाई कारवाही थालेको छ।</p>
<p>लुकिङ ग्लासको जथाभावी प्रयोग गर्ने, हटाउने तथा स्वरूप परिवर्तन गरेका कारण चालकले पछाडिको सवारी नदेख्दा दुर्घटना बढेको भन्दै महाशाखाले उक्त अभियान थालेको आज एक सूचना जारी गरी जनाएको छ।</p>
<p>लुकिङ ग्लास फोल्ड गर्ने, नराख्ने तथा नदेखिने गरी राख्ने चालकमाथि शुरु भएको अभियानअन्तरगत हिजाे पहिलो दिन ३४५ चालकलाई कारवाही गरिएको महाशाखाले जनाएको छ।</p>
<p>उनीहरूलाई सवारी तथा यातायात व्यवस्था ऐन, २०४९ अनुसार कारवाही हुने महाशाखाका प्रमुख प्रहरी वरिष्ठ उपरीक्षक भीमप्रसाद ढकालले जानकारी दिए।</p>
<p>महाशाखाले अन्य मापसे जाँच तथा ट्राफिक नियम उल्लङ्घनविरुद्ध कारवाही अभियान पनि जारी राखेको जनाएको छ। <em>रासस</em></p>
प्रतिक्रिया दिनुहोस्
.jpg)
