निर्वाचन चिह्न प्रदान
<p>काठमाडाैं। स्थानीय तहको रिक्त सदस्य पदका लागि १४ मंसीरमा हुने उपनिर्वाचनका उम्मेद्‍वारलाई आज निर्वाचन चिह्न प्रदान गरिएको छ।</p>
<p>स्थानीय तहका उम्मेद्‍वारलाई शान्तिपूर्ण वातावरणमा आज निर्वाचन चिह्न प्रदान गरिएको निर्वाचन आयोगका सहायक प्रवक्ता सूूर्यप्रसाद गौतमले जानकारी दिए।</p>
<p>निर्वाचन चिह्न पाएसँगै उम्मेदवारबाट निर्वाचन प्रचारप्रसार शुरू भएको छ।</p>
<p>स्थानीय तहको उपनिर्वाचनका लागि उपमहानगरपालिका प्रमुख १, गाउँपालिकाका अध्यक्ष ३, उपाध्यक्ष १ र गाउँपालिका तथा नगरपालिकाका वडाध्यक्ष ४३ सहित ४८ पदका लागि २७३ जनाको उम्मेदवारी कायम छ।</p>
<p>निर्वाचन आयोगका अनुसार, धरान उपमहानगरपालिकाको प्रमुुखका लागि २३, पाँचथरको फाल्गुनन्द गाउँपालिका अध्यक्षका लागि ८, महाेत्तरीको पिपरा गाउँपालिका अध्यक्षका लागि २०, संखुुवासभाको मकालु गाउँपालिकाको अध्यक्षका लागि ७ जनाको उम्मेदवारी कायम भएको छ।</p>
<p>हुुम्लाको खार्पुनाथ गाउँपालिकाको उपाध्यक्षका लागि भने ३ जनाको मात्र उम्मेदवारी परेको छ।</p>
<p>स्थानीय तहका उम्मेद्‍वारले चुनाव प्रचारप्रसारका लागि १० दिनको अवधि पाएका छन्। <em>रासस</em></p>
प्रतिक्रिया दिनुहोस्
.jpg)
