बर्दियामा ५८ किलाे चरेशसहित पाँचजना पक्राउ
<p>बर्दिया। गुलरिया नगरपालिका–७, भन्सारको बाटोबाट ५८ किलो लागुऔषध चरेशसहित पाँचजनालाई प्रहरीले पक्राउ गरेको छ।</p>
<p>विशेष सूचनाका आधारमा आज प्रहरी सहायक निरीक्षक शुनिल वस्यालसहितको टोलीले गस्ती गर्दै जाने क्रममा शंकास्पदरूपमा हिँडिरहेको अवस्थामा जाँच गर्दा झोला भित्र लुकाइछिपाइ राखेको ५८ किलो लागुऔषध चरेश, नगद ३२ हजार ५९८ रूपैयाँ र पाँच थान मोबाइल बरामद गरेको हो।</p>
<p>चरेश बरामद गरेलगत्तै पाँचैजनालाई नियन्त्रणमा लिई आवश्यक अनुसन्धान भइरहेको जिल्ला प्रहरी कार्यालयका डीएसपी रामशङ्कर कोहरले जानकारी दिए। <em>रासस</em></p>
प्रतिक्रिया दिनुहोस्
.jpg)
