सचिनले भने- ‘प्रधानमन्त्री ओली तपाईंलाई छिट्टै निको होस्’
<p>काठमाडौं। भारतीय क्रिकेटर सचिन तेन्दुलकरले प्रधानमन्त्री केपी शर्मा ओलीको स्वास्थ्यलाभको कामना गरेका छन्। </p>
<p>नेपाल भ्रमणमा आएका क्रिकेटर तेन्दुलकरले स्वास्थ्यमा समस्या हुँदाहुँदै पनि आफूलाई भेटका लागि समय दिएको भन्दै प्रधानमन्त्री ओलीप्रति कृतज्ञता प्रकट गरेका छन्।</p>
<p>“स्वास्थ्य समस्याका बाबजुद पनि भेटको लागि समय दिनुभएकोमा धन्यवाद, म कामना गर्छु प्रधानमन्त्री श्री ओली जी छिट्टै निको हुनुहोस्”, सचिनले सामाजिक सञ्जाल ट्विटरमा भनेका छन्।</p>
<p>उनले आज प्रधानमन्त्री ओलीलाई बालुवाटारमा भेटेका थिए। भेटमा प्रधानमन्त्री ओलीले सचिनलाई दियो बल्दै गरेको देवीको मुर्ति उपहार दिएका थिए। </p>
<p style="text-align:center"><img alt="" height="939" src="https://www.dekhapadhi.com/storage/photos/shares/Sports/sachin-oli-2.jpg" width="2048" /></p>
<p>“म कामना गर्छु, तपाईँले उपहार दिनुभएको सुन्दर बत्तिले विश्वमा उज्यालो, खुशी र सम्मृद्धि छरोस्” सचिनले भनेका छन्। उनले नेपालमा आफूले पाएको न्यानो माया र स्वागतले खुशी भएको समेत उल्लेख गरेका छन्।<br />
युनिसेफको सद्भावना दूत रहेका सचिन बाल अधिकार सम्बन्धी एक कार्यक्रममा सहभागी हुन नेपाल आएका हुन्।</p>
<p>सचिनको टोलीले ३० कात्तिकमा टीयू क्रिकेट मैदानमा नेपाली राष्ट्रिय टोलीका पूर्वकप्तान विनोद दासको टोलीसँग मैत्रीपूर्ण खेल खेलेको थियो।</p>
<p style="text-align:center"><img alt="" height="939" src="https://www.dekhapadhi.com/storage/photos/shares/Sports/sachin-oli-3.jpg" width="2048" /></p>
<p><br />
</p>
प्रतिक्रिया दिनुहोस्
.jpg)
