बाँकेमा धान खरिद शुरू
<p>बाँके। खाद्य व्यवस्था तथा व्यापार कम्पनी लिमिटेड अञ्चल कार्यालयले बाँकेका किसानसँग धान खरिद शुरु गरेको छ।</p>
<p>संस्थानको खरिद केन्द्रबाट धान खरिद गर्न थालिएको छ।</p>
<p>मोटा र मध्यम गरी आजसम्म करिब एक हजार ७०० क्विन्टल धान खरिद गरिसकिएको कार्यालय प्रमुख भरतराज खनियाले जानकारी दिए। </p>
<p>उनका अनुसार कार्यालयले यस वर्ष मोटा धान प्रतिक्विन्टल दुई हजार ५३२ रूपैयाँ र मध्यम धान प्रतिक्विन्टल दुई हजार ६७३ रूपैयाँमा खरिद गर्न मूल्य निर्धारण गरेको छ।</p>
<p>२७ कात्तिकबाट खरिद शुरु गरेको कार्यालयले यस वर्ष ३५ हजार क्विन्टल धान खरिद गर्ने लक्ष्य निर्धारण गरेको छ।</p>
<p>बाँकेमा यस वर्ष धान उत्पादन राम्रो भएकाले लक्ष्यअनुसार खरिद गर्न सकिने सो कार्यालयको अनुमान छ।</p>
<p>कृषि ज्ञान केन्द्रका प्रमुख सागर ढकालका अनुसार, यो वर्ष बाँकेमा ३६ हजार ५०० हेक्टरमा धान खेती गरिएको छ।</p>
<p>बाँकेका किसानहरूले यस वर्ष पनि राधा—४, सुख्खा—३, सावित्री, मन्सुली, रामधान जातका धान खेती गरेका छन्। <em>रासस</em></p>
प्रतिक्रिया दिनुहोस्
.jpg)
