चितवनमा ५७ जना एचआईभी सङ्क्रमित थपिए
<p>चितवन। सन् २०१९ को १० महिनामा चितवनमा ५७ जना नयाँ एचआईभी सङ्क्रमित थपिएका छन्।</p>
<p>१३ हजार ६४१ जनाको रगत परीक्षण गरिएकामा सो सङ्ख्यामा सङ्क्रमित भेटिएका हुन्।</p>
<p>भरतपुर अस्पतालमा रहेको एड्स हेल्थ फाउण्डेशनका अनुसार जिल्लाको विभिन्न स्थानमा गरिएको परीक्षणका क्रममा सो सङ्ख्यामा सङ्क्रमित भेटिएका हुन्।</p>
<p>फाउण्डेशनका कार्यक्रम संयोजक कृष्णहरि सापकोटाका अनुसार योसँगै जिल्लामा कार्यक्रम शुरु भएयता एक हजार ७८६ जना सङ्क्रमित पुगेका छन्।</p>
<p>उनीहरूमध्ये एक हजार पाँच पुरुष र ७८१ जना महिला छन्।</p>
<p>यस समयमा १६४ जनाको मृत्यु भएको सापकोटाले जानकारी दिए। </p>
<p>मृत्यु हुनेमा ११५ पुरुष र ५९ जना महिला छन्।</p>
<p>पुरुषले आफ्नो स्वास्थ्यको ख्याल नराख्दा बढी सङ्ख्यामा मृत्यु हुने गरेको पाइएको छ।</p>
<p>यस कार्यालयमा अहिले नियमित एआरबी औषधि सेवन गर्ने ९११ जना सङ्क्रमितमध्ये ६४ जना बालबालिका छन्। <em>रासस</em></p>
प्रतिक्रिया दिनुहोस्
.jpg)
