एसीसी इमर्जिङ टीम्स एशिया कपः नेपाल बंगलादेशसँग आठ विकेटले पराजित
<p>काठमाडौं। बंगलादेशमा जारी एसीसी इमर्जिङ टीम्स एशिया कपमा नेपाल बंगलादेशसँग आठ विकेटले पराजित भएको छ।</p>
<p>यो हारसँगै नेपाल प्रतियोगिताबाट बाहिरिएको छ।</p>
<p>पहिले ब्याटिङ गरेको नेपालले १३८ रन मात्रै जोडेको थियो।</p>
<p>नेपालले ४४.३ ओभरमा दिएको १३९ रनको लक्ष्यलाई बंगलादेशले २४ ओभरमा भेट्टायो ।</p>
<p>समूह बीमा रहेको नेपालले हङकङलाई जिते पनि भारत र बंगलादेशसँग भने पराजित हुन पुग्यो।</p>
<p>ओपनरद्वय ज्ञानेन्द्र मल्ल र कुशल भुर्तेलले ३३ रन जोडेका थिए। तर, अन्य ब्याट्सम्यानले राम्रो प्रदर्शन गर्न सकेनन्।</p>
<p>बलरद्वय सोमपाल कामी र करण केसीले भने ५० रनको साझेदारी गरे।</p>
<p>सोमपालले ३८ रन बनाएका थिए। कप्तान मल्लले २२ तथा करणले १८ रन जोडे।</p>
<p>बंगलादेशका टेस्ट खेलाडी सौम्य सरकारलाई करण केसीले ११ रनमा आउट गरेका थिए।</p>
<p>त्यस्तै सुसन भारीले मोहम्मद नइमलाई ४५ रनमा आउट गरे।</p>
प्रतिक्रिया दिनुहोस्
.jpg)
