क्यालिफोर्नियामा गोली प्रहारबाट चारजनाको मृत्यु
<p>लस एन्जलस। अमेरिकाको क्यालिफोर्नियामा भएको गोलीकाण्डमा परी कम्तीमा चारजनाको मृत्यु भएको छ।</p>
<p>लस एन्जलसदेखि ३५० किलोमिटर टाढा पर्ने फ्रेन्सोमा भएको सो घटनामा गोली लागेर अरू ६ जना घाइते भएको प्रहरीले जनाएको छ।</p>
<p>पारिवारिक सदस्यहरू जम्मा भएको ठाउँमा एक व्यक्तिले गोली प्रहार गरेको स्थानीय प्रहरी अधिकारीहरूले बताएका छन्। </p>
<p>स्थानीय समयअनुसार हिजाे बेलुका ६ बजेतिर घटना भएको जनाइएको छ।</p>
<p>घटना भएको बेला घटनास्थलमा ३५ जना थिए।</p>
<p>उनीहरू फुटबल हेर्नका लागि सो ठाउँमा भेला भएको फ्रेन्सो प्रहरी विभागका उपप्रमुख मिचेल रिडले जानकारी दिए।</p>
<p>प्रारम्भिक विवरण अनुसार अपरिचित व्यक्तिले अन्धाधुन्ध गोली प्रहार गरेका थिए।</p>
<p>ती व्यक्तिको अहिलेसम्म पनि पहिचान हुन नसकेको प्रहरीले जनाएको छ। <em>(रासस-सिन्ह्वा) </em></p>
प्रतिक्रिया दिनुहोस्
.jpg)
