नयाँ ट्याक्सीको दर्ता खाेल्ने तयारी
<p>काठमाडाैं। सरकारले नयाँ ट्याक्सी दर्ता खोल्ने तयारी गरेको छ।</p>
<p>एक हजार २०० अश्वक्षमताको र त्योभन्दा बढीका ट्याक्सीको दर्ता गर्न अध्ययन भइरहेको छ।</p>
<p>यात्रुलाई सुविधायुक्त सवारीसाधन आवश्यक भएको भन्दै नयाँ ट्याक्सी दर्ता खुलाउन लागिएको यातायात व्यवस्था विभागका महानिर्देशक गोगनबहादुर हमालले बताए।</p>
<p>अहिले सडकमा रहेका ट्याक्सी पुराना रहेकाले तिनलाई हटाउँदै नयाँ र सुविधायुक्त ट्याक्सी ल्याउनुपर्ने उनले बताए। </p>
<p>विभागका अनुसार सडकमा कस्ता र कति क्षमताका ट्याक्सी आवश्यक छ भनी अध्ययन भइरहेको छ।</p>
<p>ट्याक्सीको दर्ता नियमितरूपमा खुलाउनेभन्दा पनि केही समयका लागि खुलाइने उनको भनाइ छ।</p>
<p>उनले भने, “अहिले केही समयका लागि र सीमित सङ्ख्यामा खुलाइने भए पनि त्यसपछि फेरि बन्द हुन्छ।”</p>
<p>सरकारले लामो समयदेखि ट्याक्सीको दर्ता बन्द गरेकामा भूकम्पीडितलाई राहत दिने भन्दै २०७२ मा भूकम्पीडित जिल्लावासीका लागि ट्याक्सीको दर्ता खुलाएको थियो।</p>
<p>अहिले सडकमा रहेका ट्याक्सीमध्ये अधिकांश ८०० अश्वक्षमता बराबरका छन्।</p>
<p>सीट पनि साँघुरो र कम क्षमताको हुँदा यात्रुलाई असहज रहेको छ। <em>रासस</em></p>
प्रतिक्रिया दिनुहोस्
.jpg)
