काठमाडौंमा ऊर्जा सम्मेलन हुँदै
<p>काठमाडौं। ५ मंसीरदेखि काठमाडौंमा ऊर्जा सम्मेलन हुने भएको छ।</p>
<p>स्वतन्त्र ऊर्जा उत्पादकहरूको संस्था नेपाल (इपान)ले आज पत्रकार सम्मेलन गरी सम्मेलनबारे जानकारी दिएको छ।</p>
<p>सम्मेलनमा ७० भन्दा बढी विशेषज्ञहरूले ऊर्जा सम्बन्धी कार्यपत्र प्रस्तुत गर्नेछन्। सम्मेलनमा नेपालका साथै भारत, बंगलादेश, भुटान, चीन, जापान, नेदरल्याण्ड, अमेरिका, क्यानडा, नर्वेलगायतका मुलुकका विशेषज्ञहरूको सहभागिता रहने आयोजकले जनाएको छ।</p>
<p>क्षेत्रीय विद्युत् व्यापार, विद्युत् बजार, नियमन, वित्तिय व्यवस्थापन, ऊर्जाको दिगो विकास, संघीयतामा ऊर्जा परियोजनाहरू संचालन र सहजीकरण, ऊर्जामा लगानी तथा आयोजना प्रदर्शनी जस्ता विषयमाथि सम्मेलनमा छलफल हुने आयोजक इपानका अध्यक्ष शैलेन्द्र गुरागाईंले जानकारी दिए।</p>
<p>क्षेत्रीय विद्युत् व्यापारका लागि विचार आदान प्रदानको साथै त्यससम्बन्धी औपचारिक र अनौपचारिक वार्ताहरू अघि बढाउन सम्मेलन बहुउपयोगी हुने विश्वास लिइएको छ।</p>
<p>सम्मेलन ६ मंसीरसम्म चल्नेछ। <br />
</p>
प्रतिक्रिया दिनुहोस्
.jpg)
