पीएसएलको ‘ड्राफ्ट’मा परे यी नेपाली क्रिकेटर
<p>काठमाडौं। पाकिस्तान सुपर लिग (पीएसएल)को आउँदो सिजनका लागि सात जना नेपाली क्रिकेटर ड्राफ्टमा समावेश भएका छन्।</p>
<p>पीएसएलको सिजन २०२० को लागि टी–२० फ्रेन्चाइज क्रिकेट प्रतियोगिताको ड्राफ्टमा नेपाली राष्ट्रिय क्रिकेट टीमका पूर्वकप्तान पारस खड्कासहित सात जना खेलाडी समावेश भएका हुन्।</p>
<p>पीएसएलले आज दिउँसो सार्वजनिक गरेको सूचनी अनुसार पूर्वकप्तान खड्का, वर्तमान उपकप्तान दीपेन्द्रसिंह ऐरी, विकेटकिपर ब्याट्सम्यान विनोद भण्डारी, ब्याट्सम्यानहरू आरिफ शेख, रोहितकुमार पौडेल तथा शरद भेषवाकर र बलर सोमपाल ड्राफ्टमा परेका छन्। </p>
<p>ड्राफ्टमा समावेश सातै जना सिल्भर क्याटागोरी (विदेशी) मा समावेश भएका छन्। यो क्याटागोरीको मूल्य १५ हजारदेखि ३५ हजार अमेरिकी डलर रहेको छ। </p>
<p style="text-align:center"><img alt="" height="720" src="https://www.dekhapadhi.com/storage/photos/shares/Sports/PSL-list.jpg" width="1280" /></p>
<p>लेगस्पिनर सन्दीप लामिछाने यसअघि नै ड्राफ्टको प्लाटिनम क्याटगोरीमा परिसकेका छन् । यो क्याटेगारीमा पर्ने खेलाडीले १ लाख ४७ हजार देखि २ लाख १८ हजार अमेरिकी डलरसम्म पाउन सक्छन्।</p>
<p>आउँदो फेब्रुअरीमा हुने तय भएको पीएसएलको खेलाडी छनोटका लागि आगामी डिसेम्बर ६ र ७ मा ‘ड्राफ्ट’ हुनेछ।</p>
<p>ड्राफ्टमार्फत पीएसएलका ६ टीमले खेलाडी आ–आफ्नो टीममा अवद्ध गर्नेछन्। पीएसएलमा इस्लामावाद युनाइटेड, कराची किङ्गस, लाहोर क्वालन्डर्स, मुल्तान सुल्तान्स, पेशावर जल्मी र क्वेटा ग्लाडियर्टसबीच प्रतिस्पर्धा हुनेछ।<br />
</p>
प्रतिक्रिया दिनुहोस्
.jpg)
