बेपत्ता र सत्य निरूपण आयोगमा परेका नाममा उजुरी गर्न पाँच दिनको समय
<p>काठमाडौं। बेपत्ता पारिएका व्यक्तिको छानबिन आयोग र सत्य निरूपण तथा मेलमिलाप आयोगको अध्यक्ष तथा सदस्य पदमा सिफारिस हुन इच्छुक व्यक्तिहरूका सम्बन्धमा सिफारिस समितिले उजुरी दिनका लागि पाँच दिनको समय तोकेको छ।</p>
<p>समितिले आज सार्वजनिक सूचना जारी गरेर सूचीकृत भएका नाममा कुनै उजुरी भए पाँच दिनभित्र दिनुपर्ने जनाएको हो।</p>
<p>समितिले व्यक्तिगत रूपमा फारम भरेका, संघसंस्थाबाट प्रस्तावित र समितिको तर्फबाट थपिएका गरेर ६१ जनाको नाम सार्वजनिक गरेको छ।</p>
<p>सरकारले पूर्वप्रधानन्यायाधीश ओमप्रकाश मिश्रको अध्यक्षतामा सिफारिस समिति बनाएको छ।</p>
<p>व्यक्तिगतरूपमा ५०, संघसंस्थाबाट चार र समितिले सातजनाको नाम थपेको हो ।</p>
<p>समितिले सत्य निरुपण तथा मेलमिलाप आयोगको अध्यक्षमा गणेशदत्त भट्टको नाम समावेश गरेको छ।</p>
<p>सदस्यमा श्रीकृष्ण सुवेदी र मञ्चला झाको नाम छ।</p>
<p>त्यस्तै बेपत्ता पारिएका व्यक्तिको छानबिन आयोगको अध्यक्षमा लोकेन्द्र मल्लिकको नाम समावेश गरिएको छ। सदस्यमा आइबहादुर गुरुङ र नरकुमारी गुरुङको नाम छ।</p>
<p>डा.गंगाधर अधिकारीको नाम भने दुवै आयोगको सदस्यमा समावेश गरिएको छ।</p>
<p>संघसंस्थाका तर्फबाट भने सत्य निरुपण तथा मेलमिलापमा माधवी भट्ट पराजुली र लक्ष्मी पोखरेल तथा बेपत्ता पारिएका व्यक्तिको छानबिन चुडामणी शर्माको नाम प्रस्तावित गरिएको छ।</p>
<p>बिजुलकुमार विश्वकर्माको नाम भने दुवै आयोगको अध्यक्ष र सदस्यमा प्रस्तावित गरिएको छ।</p>
<p style="text-align:center"><img alt="" height="2818" src="https://www.dekhapadhi.com/storage/photos/shares/Politics/ujuri_xanbin_samiti.jpg" width="840" /></p>
<p> </p>
प्रतिक्रिया दिनुहोस्
.jpg)
